A Asociación Provincial de Pensionistas e Xubilados da Coruña xurdiu cando en maio de 1992 cinco amigos embarcáronse na aventura de crear unha organización por e para os maiores, coa vocación de axudar, protexer, defender e loitar polos dereitos e intereses deste colectivo.

Ao longo dos seus anos de andaina, o logro máis destacado alcanzado pola UDP coruñesa foi sen dúbida a creación do Centro Xerontolóxico de “La Milagrosa”, dedicado ao coidado de persoas maiores dependentes, e especializado na enfermidade de Alzheimer e outras patoloxías que cursan con deterioración cognitiva e/ou incapacidade funcional. Desde 2001 converteuse nunha referencia do sector, resaltando a súa área de investigación (I+D) e a aplicación de novas tecnoloxías desde onde se desenvolveron diferentes proxectos como son: Agorasenior, Sofware Senior, Proxecto discapacidade intelectual, Geronet e outros de gran difusión como  Telegerontología, etc.

En outubro de 2007 incorpora unha Residencia Xeriátrica, conformando o actual Complexo Xerontolóxico La Milagrosa.

A Asociación Provincial de Pensionistas e Xubilados da Coruña- UDP garda e mantén unha colaboración e relación estreita con outros organismos públicos e privados do Estado e da nosa comunidade.