Programada dentro do Ciclo de conferencias 2023 da Asociación Provincial de Pensionistas e Xubilados da Coruña (UDP-A Coruña), o mércores 21 de xuño ás 18:00 horas, na Real Academia de Medicina de Galicia, o catedrático D. José Carlos Millán Calenti impartiu a conferencia: “Envellecemento e fraxilidade: Podemos previlo?”.
A fraxilidade é un estado de vulnerabilidade que precede á dependencia e que afecta principalmente as persoas maiores. Coñecer as pautas de actuación faise imprescindible para as persoas en proceso de envellecemento.
