O pasado 24 de febreiro, a alcaldesa da Coruña, Inés Rey, impartiu a conferencia “Reactivando A Coruña: Presente e Futuro da nosa cidade”, programada no Ciclo de Conferencias 2022 da Asociación Provincial de Pensionistas e Xubilados da Coruña- UDP. O encontro celebrouse no Círculo de Artesáns, na Rúa San Andrés. Inés Rey expuxo os proxectos do seu goberno municipal, entre os que destacou a creación dun modelo de cidade máis sostible e centrado nas persoas a través da humanización de diferentes rúas e espazos públicos.
